“Son günlər müharibədə qan, qətllər, insanların faciəsini görəndə çox pis oluram. Hazırda Qəzzada qətl olunan uşaqları görəndə biranlıq öz balalarım göz önünə gəlir. Axı bu uşaqların günahı nədi?! Biz millət olaraq kövrəyik. Şəxsən mən insan faciəsinə dözə bilmirəm. Atam rəhmətə gedəndən lap kövrək olmuşam. Kaş bu müharibə tez bir zamanda bitəydi və regionda sülh bərqərar olaydı. Heç bir halda müharibədə uşaqların qətlinə haqq qazandırmaq olmaz. Odu ki, hazıkı müharibəni qətiyyətlə pisləyirəm". 

"Hazırkı davam edən müharibə çox ürəkağrıcıdı. Xəbərlərdə, sosial şəbəkələrdə mülki insanların qətlini görəndə kədərlənir, ağlayıram. Qəzzada qətl edilən mülki insanların, əsas da uşaqların qətlini piisləyirəm. Fələstin xalqı başda olmaqla bütün müsəlmanlara səbr diləyirəm". 

"İstənilən halda müharibə yaxşı şey deyil. Bu məsələdə ən həssas olduqum məqam isə uşaqların qətlə yetirilməsidi. Ona görə də hazırkı müharibədə uşaqları öldürənləri qınayır və pisləyirəm". 

"Nəinki Fələstinlə İsrail arasında, ümumiyyətlə, heç bir müharibənin olmasını istəmərik. Çünki özümüz müharibənin dəhşətlərini görmüş xalqıq. Nə qədər döyüşçümüz, hərbçimiz şəhid olub, nə qədəri yaralanıb, qazi olub. Onlarla ailə başsız, uşaqlar atasız qalıb. Hazırda Qəzzada gedən müharibənin dəhşətlərini görür, təəssüf hissi keçiririk. Milli, dini kimliyindən asılı olmayaraq, günahsız insanların, əsas da qadınların və uşaqların qurbana çevrilməsini pisləyirəm. Çox təəssüf ki, müharibəni dayandırmağa gücümüz çatmır. Ona görə uca Allahdan tezliklə bu qamlı müharibənin dayandırmasına dua, insan övladına isə sülh, əmin-amanlıq arzulayıram". 

"Qəzzada başverənləri yaxından izləyirəm. Bəzi videogörüntülərə isə ürəkağrısıyla baxıram. Görüntülərdəki yaralı olan, dünyasını dəyişmiş uşaqlara və qadınlara baxanda insana psixoloji sarsıntı verir. Əfsuslar olsun ki, çox qəddar bir dövrdü. Bir düyməyə sıxmaqla insan ölümünə, böyük faciələrə gətirib çıxaran silahlar zəmanəsindəyik. Dinc insanların qətli qəbulolunmazdı. Dağıdıcı silahlar ancaq və ancaq cəlladlara, terrorçulara tətbiq edilə bilər, qocalara, qadınlara, uşaqlara yox. Bütün müharibələrdə dinc sakinlərə qarşı zülmü qətiyyətlə pisləyirəm. Tezliklə Qəzzadakı xaosun, qətliyamın bitməsini arzulayıram". 

"Müharibədə mülki insanların, o cümlədən də uşaqların qətli bütün insanlara pis təsir edir. Mən daxil bütün valideyn olan kəslər bu məsələdə daha həssasdı. Mən siyasətdən uzaq adamam. Hazırda davam edən müharibədə kimin haqlı-haqsız olduğunu qoyuram bir kənara, amma heç nə uşaqların qətlinə haqq vermir. Fərq etmir, fələstinli, yaxud yəhudi olsun. Uşaqlar ölümü haqq etmir. Eynilə Rusiya - Ukrayna müharibəsində də uşaqların qətlini pisləyirəm. Düşünürəm ki, biz müharibə aparanlara nümumə olmalıyıq. İstər 44 günlük müharibədə, istərsə də antiterror əməliyyatlarında bir nəfər də erməni uşağını qətl etmədik. Biz işğalçılarla, zalımlarla müharibə aparmışıq. Odu ki, özünü dünya liderləri adlandıran şəxslər və beynəlxalq qurumlar bu muharibəyə son qoymaq üçün bir araya gəlməli, ədalətsiz savaşa, uşaq qətliamına son qoyulmalıdı".