Bekker bundan sonra Runeni çalışdıracaq
Dünyanın sabiq bir nömrəli raketkası Boris Bekker bundan sonra danimarkalı tennisçi Holger Runeni çalışdıracağı haqda məlumat verib:
“Onun məhz mənə müraciət etməsinə görə hətta bir qədər də qürurluyam. Çoxdan əlaqəmiz var idi. İndi mənim qrafikim Rune ilə əməkdaşlıq etməyə imkan verir. Holgerin oyunu həmişə məni maraqlandırıb. Çünki çox temperamentli oynayır, kortda bütün gücünü qoyur”.
Xatırladaq ki, Rune yayın sonunda fransalı mütəxəssis Patrik Muratoğlu ilə əməkdaşlığı dayandırıb. Bugünlərdə idmançının sosial şəbəkədə paylaşdığı fotodan görünür ki, Monakoda Bekkerlə birgə məşq edir. 20 yaşlı Rune hazırda dünyanın 6-cı tennisçisidi. Onun hesabında ATP turnirlərində fərdi yarışda qazandığı 4 qələbə var.
“Böyük dəbilqə” turnirlərinin altıqat qalibi olan Bekker isə 2013-16-cı illər aralığında serb Novak Cokoviçin komandasında çalışıb, həmçinin Almaniya təmsilçisi Aleksandr Zverevin məşqçisi olub.
Digər xəbərlər
