Gələn həftə basketol həvəskarları üçün bayram başlayır.

10 komandanın iştirakı ilə Azərbaycan çempionatının startı ərəfəsindəyik. Komandaların heyətinə qatdığı legionerlərin səviyyəsinin yüksək olduğunu da deyə bilərik. Üstəlik bölgələrimizi təmsil edən komandaların sayında artım var. Bəs basketbolsevərlər oyunları telekanallar vasitəsilə izləyə biləcəkmi? Bu sualı Azərbaycan Basketbol Federasiyanın mətbuat xidmətinin rəhbəri Sənan Əliyevə ünvanladıq:

"Hər həftənin 3-cü günü açılış görüşü olacaq və "CBC Sport" telekanalı ilə canlı yayınlanacaq. Sadəcə, bu dəfə açılış oyunu bazar gününə salınıb. Növbəti həftədən dəyişəcək. Çalışacaqlar ki, hər komandanın matçları göstərilsin. Çünki həm Bakıda, həm də bölgədə yaşayan basketbolsevərlərvar. Telekanalda göstərilməyən oyunlar da federasiyanın rəsmi "yutub" kanalında yayınlanacaq".

Qeyd edək ki, mövsümün açılış oyunu sabah "Sərhədçi” idman kompleksində keçiriləcək. Belə ki, "Cəlilabad" "Sərhədçi" ilə qarşılaşacaq. Matç 19.30-da start götürəcək.

Turun proqramı belədi:
27 oktyabr, saat 19.30. “Neftçi” – “Xəzri"
28 oktyabr, saat 15.00. “NTD-İndiqo” – “Sumqayıt"
28 oktyabr, saat 15.00. “Xırdalan” – “Şəki”
29 oktyabr, saat 18.00. “Gəncə” – “Sabah"

CAVİD ƏLİYEV