“10-cu tur mənim üçün faciəvi keçdi”
İtaliyanın Sardiniya adasında 20 yaşadək şahmatçılar arasında keçirilən blits və rapid üzrə dünya çempionatı ölkəmiz üçün yaxşı başa çatdı.
Belə ki, Gövhər Beydullayeva ilə Məhəmməd Muradlı vətənə “qızıl”la döndü. Bu uğurla bağlı blits növündə dünya birincisi olan Məhəmməd fikirlərini “Football-plus.az”la bölüşdü:
“20 yaşadək şahmatçılar arasında rapid və blits növü üzrə dünya çempionatı ilk dəfə keçirildi. Çox maraqlı alındı. İlk dəfə təşkil olunan yarışın blits növündə dünya birinci olmaq, həmçinin də 8 il sonra yenidən dünya çempionu olmaq da əla hissdi. Özü də mənimlə yanaşı, Gövhər Beydullayeva da “qızıl” qazandı. Şükür ki, ölkəmizin bayrağını İtaliyada dalğalandıra bildik”.
Gənc şahmatçı rapid növündəki yarışın onun üçün uğursuz keçməsini də belə izah etdi:
“Rapid növündə uğursuzluğun səbəbi oyuna yaxşı başlaya bilməməyim oldu. Lakin sonradan özümü toparlamıdşım. Daha sonra 7-ci turda məğlub oldum. 10-cu tur isə mənim üçün faciəvi keçdi. Konsentrasiyamı itirdim. Çünki uduş vəziyyətində olan oyunu əldən verdim. Özümə arxayınm oldum və beynimdə növbəti mərhələdəki rəqibim haqda düşünürdüm. Təəssüf ki, öz günahımdan məğlub oldum. Ancaq bu da mənim üçün bir təcrübə oldu”.
CAVİD ƏLİYEV
Digər xəbərlər
