Şahin Diniyev: "Boşluq varsa, bu, baş məşqçinin günahıdı"
Misli premyer-liqasının 10-cu turunda "Səbail" evdə "Neftçi"yə məğlub oldu - 2:4.
"Football-plus.az" xəbər verir ki, oyundan sonra "dənizçilər"in baş məşqçisi Şahin Diniyev media nümayəndələrinin önünə çıxıb. Sizi əvvəlcə mütəxəssisin fikirləri ilə tanış edirik:
"Düşünürəm ki, yaxşı oyun izlədik. Hər ili tərəf qələbəyə layiq idi. Son qolu lazımsız epizoddab buraxdıq. Amma komandam yaxşı mübarizə apardı. Onlardan razıyam. Sönük oyun keçmədi. Kiçik səhvlərə görə məğlub olduq. Ancaq növbəti oyunlarda qələbələr olacaq. "Neftçi"ni təbrik edirəm".
- "Səbail" bərabərlik qolundan sonra sanki müdafiəyə çəkildi. Bir xala razı idiz?
- Deməzdim ki, qol vurduqdan sonra müdafiədə oturduq. Bu futboldu. Öz oyunumuzu oynayacağıq. Meydana qələbə üçün çıxmışdıq. Komandamız hər matçda qalibiyyət almaq istəyir. Xoşbəxtliyi rəqib qapısında axtarmağa çalışırıq.
- Adətən erkən qol rəqibin planlarını pozur. Lakin əksinə oldu...
- Belə hallarda futbolçularda psixoloji rahatlıq yaranır. Bütün komandalarda belədir, qol vurandan sonra qapını toxunulmaz saxlamağa çalışırsan. Bu da mane olur. İlk 15 dəqiqədə qol vurmaq istəyirdik. Buna nail olduq. İstəmədən müdafiəyə oturduq. Amma bundan sonra 3 dənə qol şansımız oldu. İkinci qolu vursa bilsəydik, bizim üçün daha yaxşı olardı. 1:0 sürüşkən hesabdır. 0:0 bundan daha yaxşıdı. Çünki konsentrasiyanı itirmirsən.
- Cabir Əmirli əməliyyat olunub, bu gün Süleyman Əhmədov zədələndi. Həmin mövqedə yalnız Rafael Məhərrəmli var. Bu, sizi narahat etmir?
- Hər mövqeyə 2 bərabərsəviyyəli oyunçu transfer etmək istəyirdik. Bircə sağ cinahda problemimiz qaldı. Bir futbolçu ilə danışırdıq. Son məqamda başqa klub keçdi deyə o mövqeni doldura bilmədik. Nə olursa, yaxşılığa doğru olur. Rotasiya da edə bilərik, Rafael də oynaya bilər. Bunu böyük problem kimi qəbul etmirik. Bəhanə gətirmək istəmirəm. Boşluq varsa, bu, baş məşqçinin günahıdı.
- Keçmiş olsun...
- Nolub ki, Kimsə ölüb? Futboldu da. Üç nəticədən biri qeydə alınır. Heyat davam edir. Pis oynayıb uduzmadıq. "Neftçi"nin bu gün əvəzetmədən oyuna girən futbolçuları bizim heyətə bəs edir.
- Fasiləyə az qalmış qol buraxdınız. Sizcə, bu, oyunun qırılma nöqtəsi oldu?
- Fasilə ərəfəsində vurulan qol soyuq duş kimidi. İkinci hissəyə çıxanda təzyiq göstərib ikinci qolu vurmağı tapşırmışdıq. Bunu da etdik. Sadəcə, buraxdığımız qol planlarımızı pozdu.
CAVİD ƏLİYEV
Digər xəbərlər
