Zaur Axundov Ağatahir Əzimova uyğun vəzifə verəcək
Futzal üzrə U-19 millimizin sabiq baş məşqçisi Ağatahir Əzimovun işsiz qaldığını yazmışdıq.
Əldə etdiyimiz məlumata görə, futzal federasiyasının prezindenti Zaur Axundov ona vəzifə vəd edib. Oktyabrın 1-də həll olunması gözlənilən məsələ hələ də uzanır. Bəs Ağatahir bəy nə vaxt işlə təmin olunacaq? Onun hansı vəzifəyə təyinatı gözlənilir?
Federasiyanın vitse-prezidenti Mahmud Sadıqov “Football-plus.az”ın suallarını cavablandırdı:
“Bildiyim qədər, Zaur Axundov bu yaxınlarda Ağatahir bəylə görüşəcək və müəyyən məsələlər müzakirə ediləcək. Bəllidi ki, o, çox coşqulu insandı. Tez özündən çıxır, əsəbidi. Bu üzdən ona uyğun vəzifə verilməlidi. Hələ ki, yeni işinin nədən ibarət olacağı bəlli deyil. Çalışacağıq ki, əsəb-stress yaşamayacağı işdə çalışsın”.
Əzimovun ürək əməliyyatı keçirdiyini və buna görə ömürboyu, vaxtaşırı dərmanlarını qəbul etməsinin vacibliyini də vurğulaşmışdıq. Bəs federasiya çətin dönəmdə mütəxəssisin qayğısına qalır? Mətbuat xidmətinin rəhbəri Mahal Məmmədov belə dedi:
“Ağatahir müəllimə dəstək lazım olduğu təqdirdə federasiyaya müraciət etməsi deyilib. Hələ ki, bizdən heçnə istəməyib. Rəhbərlik onun qayğısına qalmağa hazırdı”.
KƏNAN BAHADIR
Digər xəbərlər
