Messinin üstünə tüpürdü
Antonio Sanabriya Lionel Messini təhqir edib.
“Football-plus.az” xəbər verir ki, Paraqvay millisinin oyunçusu onun üstünə tüpürüb.
DÇ-2026-nın seçmə mərhələsinin Argentina - Paraqvay matçında (1:0) futbolçular arasında mübahisə düşüb. Argentinalıların kapitanı olan Messi üzünü çevirib gedərkən “Torino”da oynayan Sanabriya arxadan ona tərəf tüpürüb. Bu an matçın yayınına düşüb. Hakim hadisə ilə bağlı qərar verməyib. Matçdan sonra jurnalistlərə açıqlama verən Messi isə belə deyib:
“Mən bu hadisəni görmədim. Paltardəyişmə otağında xəbər tutdum ki, onların oyunçularından biri mənə tüpürüb. Onun kim olduğunu bilmirəm. Mən buna əhəmiyyət vermək istəmirəm. Çünki bu halda o, hər yerdə həmin hadisədən danışacaq, ən pisi isə ad çıxarmağa çalışacaq. Hər şeyi burda buraxmaq daha yaxşıdı”.
Sanabriya isə Messiyə tüpürməsi ilə bağlı iddianı təkzib edib:
“Videoya baxdım. Ordan elə görünür. Amma belə bir şey olmayıb. Messi uzaqda idi və ona heç nə olmayıb. Mən bu ittihamları rədd edirəm”.
Digər xəbərlər
