"Yay transfer" pəncərəsində Coy-Lens Mikels "Sabah"ı tərk etdi.

Vinger Səudiyyə Ərəbistanına yollandı. "Əl-Feysali" 700 min avro ödəyərək almaniyalını heyətinə qatdı. Əslində Mikelsin ayrılığına müqaviləsindəki bənd səbəb oldu. "Əl-Feysali" 700 mini ödəyərək futbolçunun transferini həyata keçirdi.

Coy-Lens Mikelslə bağlı "football-plus.az"a maraqlı informasiya daxil olub. Sən demə, almaniyalını "Qarabağ" transfer etmək istəyib. "Köhlən atlar" vinger üçün yarım milyon avro ödəməyə hazır olub. Lakin "Sabah" rəhbərliyi müqaviləsindəki bəndi əsas gətirərək keçidə razılıq verməyib. Mikels isə "Qarabağ"ın üzvü olmağa razı imiş. Çünki "köhlən atlar" futbolçuya həm "Sabah"dan, həm də "Əl-Feysali"dən daha çox maaş təklif edirmiş. Bundan əlavə, Mikels avrokuboklarda daimi oynayan komandada çıxış etmək istəyirmiş. Lakin "Sabah" rəhbərliyi "Qarabağ"ın daha da güclənməsini istəmədiyi üçün bu keçidə razı olmayıb.

İLKİN SULTANLI