“Red Bull” inkişaf baxımından qalan komandaları iki il qabaqlayır”
“Ferrari”nin pilotu Karlos Sayns hesab edir ki, “Red Bull” bolidin inkişafı baxımından “Formula-1”də mübarizə aparan qalan komandaları iki il qabaqlayır.
"Football-plus.az" xəbər verir ki, ispaniyalı pilotun fikirləri ilə tanış olaq:
“Düşünürəm ki, “Red Bull”un yoxluğunda biz indi son illər ərzində ən bərabərsəviyyəli və maraqlı çempionat haqda danışa bilərdik. Axı “Aston Martin”, “Maklaren”, “Ferrari” və “Mersedes” təxminən eyni səviyyədədi. Reallıqda isə bir komanda var ki, başqalarını dövrədə 0,5 saniyə qabaqlayır. “Red Bull” başqalarını inkişaf baxımından iki il qabaqlayır. Bu üzdən onların səviyyəsinə qalxmaq asan olmayacaq. Hələ bir müddət də dominantlıq edəcəklər”.
Xatırladaq ki, 150 xal toplayan Sayns dünya çempionatının cari mövsümündə şəxsi hesabda 5-ci yerdə qərarlaşıb. Onun komanda yoldaşı Şarl Lekler isə 135 xalla altıncıdı. “Ferrari” Mühəndislər kubokunda 3-cü yerdədi (285 xal). “Formula-1”in növbəti mərhələsi həftəsonu Qətərdə keçiriləcək.
