“Vaxt uzatmaq kimi taktiki gedişim yoxdu”
Misli premyer-liqasının 9-cu turunda “Sumqayıt” “Kəpəz”i məğlub edib - 1:0.
“Football-plus.az” xəbər verir ki, matçdan sonra qərblilərin çalışdırıcısı Azər Məmmədovun mətbuat konfransı keçirilib. Sizi onun fikirləri ilə tanış edirik:
“Bizim üçün çox vacib oyun idi. Xal ehtiyatımızı artırmaq istəyirdik. Bura qələbə üçün gəlmişdik. Komanda birinci hissədə yaxşı oynadı. İlk hissədə biz daha üstün idik. İkinci hissənin əvvəlində üstünlüyü əldən verdik. Təəssüflər olsun. Məğlubiyyətlik oyun deyildi”.
- Qələbə qazanmaq üçün nə çatmadı?
- Müdafiə planında elə bir problemimiz yoxdu. Buraxılan 13 top bizim kimi komanda üçün normaldı. Amma 5 qol vurmuşuq və bu, azdı. Hücum oyunçuları bir az artırmalıdı. Bir az təcrübə çatmır. Bir də futbolçuların qapını tapmaq problemi var.
- Martins və Şuaybunun oyununun alınmamasının səbəbi nədi?
- Keçən ilki "Şamaxı", "Səbail" yoxdu. Komandalar güclənib. Görünən odu ki, güclü rəqiblərlə oynamaq üçün bir az da artırmaq lazımdı.
- Futbolçularınız ilk dəqiqələrdən vaxt uzadırdı. Bunun səbəbi nə idi?
- Murad Musayev bu sözü deyəndə böyük rezonans yaranmışdı. Martins zədələnmişdi. Hesabda geridə olan komanda vaxt uzadar? Qətiyyən vaxt uzatmırıq. Üstünlüyümüz varsa, ilk hissədə niyə yerə yıxılmalıyıq? Əksinə, tempi qoruyub-saxlamalıyıq. Vaxt uzatmaq kimi taktiki gedişim yoxdu.
Digər xəbərlər
