"Azərbaycan önündə daha yaxşı oyun göstərməliyik" - Qazaxıstan millisinin baş məşqçisi
“Azərbaycanla əsas rəqib hesab olunuruq”.
“Football-plus.az” xəbər verir ki, bunu Qazaxıstan futzal millisinin baş məşqçisi Rikardo Kaka yığmamıza qarşı keçirəcəkləri DÇ-2024-ün elit mərhələ matçı barədə danışarkən deyib.
Braziliyalı mütəxəssis bu gün keçiriləcək görüşə tam hazır olduqlarını bildirib:
“Hər növbəti matç bizim üçün ən vacibidir. Ona görə də indi yalnız Azərbaycana qarşı necə oynayacağımızı düşünürük. Futzalçılarımız həmişə olduğu kimi, matça motivasiyalı və məsuliyyətli yanaşır. Bir neçə gündü bütün heyət bir aradadı. Oyunçular yaxşı formadadır”.
Kaka rəqib barədə də müsbət fikirlər səsləndirib:
“Düşünürəm ki, Azərbaycan önündə daha yaxşı oyun göstərməliyik. Rəqib güclü kollektivdi, çoxlu milliləşdirilmiş oyunçuları var. Bacarıqlı komandadı və evdə oynayacaqlar. Çox maraqlı oyun olacaq”.
Qeyd edək ki, Bakı İdman Sarayında keçiriləcək qarşılaşma saat 20.00-da başlayacaq.
Digər xəbərlər
