Dünən 1-ci liqada 4-cü tura start verildi.

Günün ilk matçına Zaqatalada şahidlik etdik. Bölgənin eyniadlı təmsilçisi "Karvan"ı qəbul etdi. İlk yarı ev sahibləri üçün yaxşı başlasa da, qonaqların son dəqiqələrdə vurduğu 2 ardıcıl qol hesabı bərabərləşdirdi. Nəticədə oyun heç-heçə sona çatdı - 2:2. İkinci görüşdə "Difai Ağsu" "Qaradağ Lökbatan"ı qəbul etdi. Qarşılaşmanın taleyini lökbatanlıların 27-ci dəqiqədə yerinə yetirdiyi dəqiq penalti zərbəsi müəyyənləşdirdi.

"Football-plus.az" xəbər verir ki, bu gün keçiriləcək üç oyunla tura yekun vurulacaq.

"İrəvan" "ASK Arena"da "Araz Saatlı"nı qəbul edəcək. Qərbi Azərbaycan təmsilçisi liderlər qrupundakı yerini qorumaq, qonaqlar isə autsayder mövqeyindən xilas olmaq üçün qalib gəlməlidi. Vurğulayaq ki, bu oyun xal hesabını açmayan "Araz Saatlı" üçün çox vacibdi. Növbəti görüş MOİK ilə "Şamaxı" arasında baş tutacaq. İddialıların oyununun gərgin və maraqlı keçəcəyi gözlənilir. Oyunun qalibi turnir cədvəlinin şəriksiz lideri olacaq. Tura "Mingəçevir" - "İmişli" matçıyla yekun vurulacaq. Bu komandalar hərəyə 3 xalla, uyğun olaraq, 7-8-ci sıralarda qərarlaşıb. Ev sahibləri ötən həftə ilk qələbəsini qazandığı üçün motivasiyalıdı. "Şamaxı"nın ötən tur darmadağın etdiyi (3:0) "İmişli" isə itirilmiş xalın acığını mingəçevirlilərdən çıxa bilər.
Qeyd edək ki, oyunlar Peşəkar Futbol Liqasının "I Liqa/II Liqa" yutub kanalında canlı yayınlanacaq.

4 oktyabr
Zaqatala – Karvan 2:2
Uensley Ondo, 20-öz qapısına. Bəhruz Teymurov, 43 - Peter Kinqs, 87. Akif Tağıyev, 82.
Difai Ağsu – Qaradağ Lökbatan 0:1
Seyxan Fərəcov, 29-p.

5 oktyabr
İrəvan – Araz Saatlı 7:0
Mirabdulla Abbasov, 32. Vüqar Bəybalayev, 42-p. Arsen Ağcabəyov, 47. Famil Camalov, 64, 73, 83. Vüsal Əsgərov, 71.
Hakimlər: SƏBUHİ BAYRAMOV, Səbuhi Soltanov, Ruslan Quliyev, Namiq Bəkirov.
Hakim-inspektor: Vüsal Əliyev.
AFFA nümayəndəsi: Elçin Mehtiyev.
Bakı, “ASK Arena”. Saat 13.00.

MOİK – Şamaxı 3:3
İsa Zeynallı, 24-p. 51-p. Elvin Valiiev, 27. - Emin Zamanov, 40. Qurban Səfərov, 46. Elşad Tağıyev, 87.
Hakimlər: RÖVŞƏN RƏCƏBOV, Vüqar Bayramov, Tərlan Talıbzadə, Fəridə Lütfəliyeva.
Hakim-inspektor: İmanxan Sultani.
AFFA nümayəndəsi: Bəhram Qurbanov.
Binə, qəsəbə stadionu. Saat 15.00.

Mingəçevir – İmişli 1:1
Elsevər Bəkirzadə, 42. - Maqsud Ələkbərov, 89.
Hakimlər: ƏLİ ƏLİYEV, Taleh Məmmədov, Qəzənfər Məmmədov, Şamil İmanzadə.
Hakim-inspektor: Gülağa Cabbarov.
AFFA nümayəndəsi: Eldəniz Musayev.
Mingəçevir, Y. Məmmədzadə adına şəhər stadionu. Saat 15.30.
Xal durumu: Karvan - 8, Şamaxı, MOİK, Qaradağ Lökbatan, İrəvan - 7, Zaqatala, Mingəçevir, İmişli - 3, Difai Ağsu - 1, Araz Saatlı - 0.
Bombardir: Emin Zamanov (Şamaxı) - 4.

KƏNAN BAHADIR