"Azərbaycanla oyunun böyük hissəsini üstün keçirdik”
“Azərbaycanla oyunun böyük hissəsini üstün keçirdik”.
“Football-plus.az” xəbər verir ki, bunu 17 yaşadək qızlardan ibarət Lüksemburq millisinin baş məşqçisi Kristina Korreyra Azərbaycan yığmasını 1:0 hesabı ilə məğlub etdikləri AÇ-2024-ün seçmə mərhələsinin ilk oyunu barədə danışarkən deyib.
Portuqaliyalı mütəxəssis artıq qrupun ikinci matçı barədə düşündüklərini bildirib:
“Çox aqressiv mübarizə oldu. Bu qalibiyyət münasibətilə oyunçularımı təbrik edirəm. Uzun səfərdən sonra yorğunluğumuzu üzərimizdən atıb yaxşı çıxış etdik. Qısa istirahətin ardından Malta ilə keçirəcəyimiz növbəti oyuna hazırlaşacağıq”.
Qeyd edək ki, Xorvatiyada təşkil olunan B Liqasının 3-cü qrupunda 2-ci turun oyunları oktyabrın 5-də keçiriləcək. Həmin gün millimiz Xorvatiya, Lüksemburq isə Malta ilə qarşılaşacaq.
Digər xəbərlər
