Türkiyə yığmasının məşqçilər korpusunda yer alan, Stefan Kuntsun əsas köməkçisi olan, amma almaniyalı məşqçinin istefasından sonra ayrılmaq qərarına gələn Kənan Koçak tanınmış şərhçi Ərtəm Şənərin ''yutub'' kanalının qonağı olub.

Koçak etiraf edib ki, federasiya ona yeni məşqçi Vinçentso Montellanın da köməkçisi olmağı təklif etsə də, o, imtina edib:

''Futbolda belə ayrılıqlar olur. Düzdü, federasiya mənim qalmağımı istədi. Amma mən artıq doğru bir layihədə çalışmaq və müstəqil məşqçi kimi işləmək istəyirəm. Ona görə də TFF-nin təklifini geri çevirdim. Kunts heyəti qurarkən Həmit Altıntop ilə məsləhətləşirdimi? Kunts ünsiyyətə önəm verən və hər kəsin fikrinə hörmətlə yanaşan biridi. Amma nə olursa olsun, son qərarı özü verirdi. Həmit Altıntop ''Bavariya'' və ''Real'' kimi klublarda top qovub. Onun fikrini öyrənməkdə qəbahət bir şey yoxdu''.

ƏLİ