2024-cü ildə UEFA Superkuboku oyununa evsahibliyi edəcək ölkə müəyyənləşib.

"Football-plus.az" xəbər verir ki, bu barədə UEFA-nın İcraiyyə Komitəsi (İK) qərar çıxarıb.

Matç Polşanın paytaxtı Varşavada keçiriləcək. Superkubok oyunu gələn il avqustun 14-də Milli Stadionda oynanılacaq.

Bundan başqa, Millətlər Liqasının 2024/25 mövsümünün qrup mərhələsinin püşkatma mərasiminin vaxtı da müəyyənləşib. Tədbir gələn il fevralın 8-də Fransanın paytaxtı Parisdə təşkil olunacaq.

İK-nın son iclasında həmçinin Rusiyanın aşağı yaş qrupları üzrə milli komandalarının neytral statusda - himnsiz və bayraqsız beynəlxalq turnirlərdə iştirakına icazə verilib. Qərar Rusiyanın U-17 yığması da daxil olmaqla bütün aşağı yaş qruplarına şamil olunur. Qeyd edək ki, 17 yaşadək futbolçular arasında dünya çempionatının püşkü artıq sentyabrın 15-də atılıb. Buna baxmayaraq, Rusiyanın bu yaş qrupu üzrə komandası turnirə buraxılacaq. UEFA-nın rəsmi məlumatında bu qərar belə izah olunub ki, uşaqlar böyüklərin törətdiyi hərəkətlərə görə məsuliyyət daşımamalıdılar. Rusiyalı yeniyetmə futbolçuların bu ölkə ərazisində oyun keçirə və milli kimlik əlamətləri olan formalarda çıxış edə bilməyəcəkləri də vurğulanıb. Xatırladaq ki, Rusiyanın 2022-ci ilin fevralında Ukrayna ərazisinə silahlı müdaxiləsinə görə şimal qonşumuzun klub və yığma komandaları beynəlxalq yarışlardan kənarlaşdırılıb.
Yeri gəlmişkən, UEFA-nın Rusiyanın aşağı yaş qrupları üzrə milli komandalarının beynəlxalq yarışlara buraxılması haqda qərarı Latviya, Polşa və İsveçin futbol qurumlarının etirazına səbəb olub. Latviya Futbol Federasiyası bəyanat yayaraq oyunun keçiriləcəyi yerdən və rəqibin təqdimat formasından asılı olmayaraq, Rusiya komandalarının iştirak edəcəyi turnirə qatılmayacaqlarını qeyd edib. Polşa Futbol İttifaqının prezidenti Sezari Kuleşa sosial şəbəkə hesabında bu barədə belə yazıb:

İsveç Futbol Federasiyasının prezidenti Fredrik Raynfeldt isə yerli mətbuata açıqlamasında belə bildirib:



Əlavə edək ki, Ukrayna, İngiltərə, Litva və Danimarkanın futbol qurumları da UEFA-nın qərarına etiraz edib.