“Sevilya”nın oyunçusu Serxio Ramos La Liqanın tarixinə düşüb.

"Football-plus.az" xəbər verir ki, 37 yaşlı müdafiəçi buna 5-ci turun “Las Palmas”la (1:0) oyununda iştirak etməklə nail olub. Beynəlxalq Futbol Tarixi və Statistikası Federasiyasının yaydığı məlumata görə, Ramosun “Sevilya”nın heyətində olduğu birinci dönəmindəki son oyunu ilə komandaya bu yay qayıtdıqdan sonra meydana çıxdığı ilk matç arasında 18 il 20 gün zaman fərqi var. Bu isə La Liqa tarixində bir futbolçunun eyni klubda ardıcıl iki oyunu arasındakı ən uzun fərqdi.

Ulduz futbolçu 17 il 216 gündən sonra “Vilyarreal”a qayıdan Pepe Reynanın rekordunu yeniləyib.