Liqa 1-in 21-ci turunun “Monpelye” ilə matçında 3:1 hesablı qələbə PSJ-yə baha başa gəlib.

Komandanın iki futbolçusu - Serxio Ramos ilə Kilian Mbappe zədələnib. 36 yaşlı müdafiəçi və 24 yaşlı hücumçu birinci hissədə əvəzləniblər. Yayılan məlumatda Ramosun ayaq əzələsinin zədələndiyi bildirilib. Onun yaşıl meydana nə vaxt qayıdacağı məlum deyil. Ramosun Çempionlar Liqasının 1/8 finalının “Bavariya” ilə fevralın 14-də keçiriləcək ilk oyununu buraxmaq ehtimalı var.