Messi: “Şirin olan hər şeyi xoşlayıram”
Lionel Messi jurnalistlərə son açıqlamasında qidalanmasından danışıb. Ulduz futbolçu yemək yeməyi çox sevdiyini gizlətməyib.
"Football-plus.az" xəbər verir ki, “İnter Mayami”nin 36 yaşlı hücumçusu bu haqda belə deyib:
“Doğramac, makaron, dondurma... Yemək yeməyi çox xoşlayıram. Şirin olan hər şeyi sevirəm. Amma çalışıram ki, bu cür yeməklərdən az yeyim. Qəhvə? Qəhvəni isti və acı içirəm. Əvvəllər şirin içirdim, amma sonra acıya keçdim”.
Qeyd edək ki, Messi “İnter Mayami”yə bu yay PSJ-dən ayrıldıqdan sonra keçib. O, ABŞ klubunun heyətində bütün turnirlərdə 11 matçda iştirak edib, 11 qol vurub və 5 məhsuldar ötürmə verib.
Yeri gəlmişkən, “İnter Mayami” MLS-in 32-ci turunda “Atlanta Yunayted”ə 2:5 hesabı ilə uduzub. Komandanın kapitanı Messi bu matçda iştirak etməyib. Onun hansı səbəbdən oynamadığı açıqlanmayıb. Maraqlıdır ki, “İnter Mayami” dünya çempionunun komandaya gəlişindən sonra uduzmamışdı.
