Yığmaların oyunlarına görə yaranan fasilə başa çatdı. Klub səviyyəsində futbola dönürük.

"Football-plus.az" xəbər verir ki, bu gün Misli premyer-liqasında 6-cı tur start götürüb. İlk oyun günündə 1 qarşılaşma baş tutub. “Zirə” “Sumqayıt”ı qəbul edib. Oyunu “CBC Sport” canlı yayınlayıb.

Misli premyer-liqası
1-ci dövrə, 6-cı tur
15 sentyabr
Zirə - Sumqayıt 1:0
Məqsəd İsayev, 45+1.
“Zirə”nin bu rəqiblə ev oyunlarının balansı: 15:+10=4-1, 22:11.
2015/16 – 3:2, 1:0; 2016/17 – 0:1, 1:0; 2017/18 – 3:1, 1:1; 2018/19 – 3:1, 2:0; 2019/20 – 2:2; 2020/21 – 2:2, 0:0; 2021/22 – 1:0, 1:0; 2022/23 – 0:0, 3:1.
Cəzalı: yoxdu.
“Futbol+”in proqnozu: 40-30-30.
Zirə. İdman Kompleksinin stadionu. Saat 17.00.

Fasilədən sonra çempionatın 6-cı turunun ilk oyununun Zirədə keçirilməsi maraqlı məqamlardandı. Bu məqam ən azı Rəşad Sadıqovun komandasının işinə yarayır. “Qartallar” qələbə qazanacağı təqdirdə liderliyini daha da möhkəmləndirəcək. Bununla da digər komandalar “Zirə”nin uzaqlaşmasından narahat olacaq. Belə reallıq isə bir sıra oyunların nəticələrinə ciddi təsir edə bilər. Qarşılaşmanın favoriti, heç şübhəsiz, meydan sahibləridi. Yuxarıda qeyd etdiyimiz kimi, Rəşad Sadıqovun komandası qələbə qazansa, iddiasını ortaya qoymuş olacaq. Hər halda, 6 oyuna 15 xal toplamaq “Zirə” tarixinin ən yaxşı nəticəsi sayılacaq.

“Sumqayıt” da bu qarşılaşmaya ciddi yanaşır. “Kimyaçılar” cari mövsümə yetərincə yaxşı başlayıb. Samir Abasovun komandasının ən müxtəlif səbəblərdən səfərdə rəqibə asan təslim olmayacağını söyləyə bilərik.

Ümumiyyətlə, bu komandalar indiyə kimi Azərbaycan çempionatlarında 31 dəfə üz-üzə gəlib. Bu görüşlərin 17-də “qartallar”, 6-da “kimyaçılar” qalib gəlib. 8 görüş isə heç-heçə nəticələnib. Topların nisbətində də bakılılar öndədi – 43:22.

1. Zirə 6 5 0 1 6-2 15
2. Turan Tovuz 5 3 0 2 9-6 9
3. Neftçi 5 2 2 1 5-3 8
4. Sumqayıt 5 2 1 2 7-5 7
5. Qarabağ 5 2 1 2 7-5 7
6. Səbail 5 2 1 2 8-9 7
7. Araz-Naxçıvan 5 2 1 2 6-7 7
8. Sabah 4 1 1 2 6-5 4
9. Kəpəz 5 1 1 3 3-6 4
10. Qəbələ 5 1 0 4 2-11 3

Bombardirlər: Aleksandr Ramalinqom (Səbail), Martin Petkov (Turan Tovuz) – 3.