Kriştiano Ronaldo daha bir təqdirəlayiq addım atıb.

"Football-plus.az" xəbər verir ki, Portuqaliya millisinin və “Əl-Nəssr”in hücumçusunun Mərakeşdəki oteli bu ölkədə baş verən zəlzələdən zərər çəkənləri pulsuz qəbul edib.

“Marca” qəzetinin məlumatında 38 yaşlı futbolçunun “Pestana CR7 Marrakech” otelinin Mərakeşdə yerləşdiyi və 4 ulduz reytinqinə malik olduğu bildirilir. Mehmanxanada fitness mərkəzi, restoran və açıq hovuz da var. Otel bir neçə gün əvvəl baş vermiş güclü zəlzələdən sonra zərər çəkənləri pulsuz qəbul edib.

Xatırladaq ki, Mərakeşdə dağıdıcı zəlzələ nəticəsində 2000-dən çox adam həlak olub, yüzlərlə sakin yaralanıb.