Deyəsən, Mauro İkardinin pulu aşıb-daşır. “Qalatasaray”ın hücumçusu dünyanın ən bahalı avtomobilini alıb.

"Football-plus.az" xəbər verir ki, 30 yaşlı futbolçu 26 milyon avro dəyərində “Rolls Royce Boat Tail”in sahibi olub.

İkardinin aldığı avtomobil cəmi üç ədəd hazırlanıb ki, onlardan biri mirvari hasilatı sahəsindəki fəaliyyəti ilə zənginləşən adı açıqlanmayan biznesmenə, ikincisi isə musiqiçi ulduz cütlük Cey-Zi və Beyonsa məxsusdu. 5,8 metr uzunluğunda və mühərriki təxminən 563-600 at gücündə olan avtomobil 4 ilə hazırlanıb. Maşında yemək dəsti, fırlanan kokteyl masaları, stullar və hətta özü açılan çətir var.

Qeyd edək ki, İkardi 2022/23 mövsümündə “Qalatasaray”da icarə əsasında çıxış edib. Türkiyə klubu argentinalı hücumçunu PSJ-dən bu ilin iyulunda alıb. Onun istanbulluların heyətində keçirdiyi 33 oyunda 30 qol vurduğunu, 9 məhsuldar ötürmə verdiyini də bildirək.