“İlk qolumuzu vurandan sonra özümü qəribə hiss etdim. Təzyiq, ağırlıq? Bunu izah edə bilmirəm. Sonra qalan futbolçular arxamca gələrək sevincdən məni əzdilər. Vəziyyətim daha da pisləşdi. Həkimdən həb istədim. İçəndən sonra özümə gəldim. İkinci hissədə də həyəcanlandım. Qəribə hiss keçirirdim. Daha sonra özümə gəldim. FKSB ilə oyundan sonra yaxşı idim. Qarşılaşma başa çatandan sonra heç nəyim yox idi. Hətta futbolçularla danışdım, pivə içdim. Ertəsi gün yenə təzyiqim qalxdı. Komandanın həkiminə məlumat verdim. Dedim ki, özümü yoxladacam. EKQ etmək üçün xəstəxanaya yollandım. Nəticəni görəndə ordakı həkimin gözləri bərəldi. Onu görməliydiz. Məndən soruşdu ki, bura kimi necə gəlmisiz? Birbaşa əməliyyat etdilər. Dedilər ki, vaxt itirməyin mənası yoxdu. İnsanlar durmadan mənimlə maraqlanırdılar. Bir qədər geciksəydim, kiməsə təşəkkür etməyə vaxtım olmayacaqdı”.

“Mirça Rednik, onun texniki heyəti, oyunçular, UTA klubunun rəhbərliyi həkim Kristian Dinaya təşəkkür edir. Onun komandasının səyləri nəticəsində baş məşqçimiz sağlamlığına qovuşub”.

“Həkimlər bura gəlməyimə etiraz etdi. Lakin mən qəti şəkildə bununla razılaşmadım. Daha tez qol vurmağınızı gözləyirdim (gülür). Yaxşıyam. Bir qədər yorğunam. Dərmanların təsirindən başım bir az gicəllənir. Başqa heç nəyim yoxdu. Əməliyyatım uğurlu keçmişdi. Bu səbəbdən də sizin yanınızda olmaq istədim. Qələbə qazanmağınız münasibəti ilə təbrik edirəm. Biz kubokda iştirak edəcəyik. FKSB ilə oyunda da özünüzü yaxşı tərəfdən göstərdiz. Onlara qarşı keyfiyyətli oyun sərgilədiz. Lider komandanı büdrətməyiniz göstərdi ki, mənəviyyatımız var. Bu qələbə azarkeşlərimiz üçün vacib idi. Mən “Dumbravita” ilə oyundan qorxurdum. Xəstəxanada olduğum üçün oyuna baxmadım. Açığı, narahat idim. Lakin siqnal veriləndə mənə xəbər verən şəxs var idi. 80 və 85-ci dəqiqədə soruşdum ki, bu uşaqlar nə edir? Xəstəxanadan onların yanlarına gəlməyimi istəyirlər. Amma yekunda siz qol vurduz. Afərin! Hamınıza təşəkkür edirəm. Bu səbəbdən də yanınızda olmaq istədim. Həkim buna icazə vermədi. Mən gələ bilərdim. Lakin uzun və yorucu yol məni gözləyirdi. Düşündüm ki, məşqdə hisslərimi diqqətinizə çatdıraram. Sizə güvənirəm. Mənim üçün komandama inam daha vacib idi. Siz bunu bacardız”.