Sualları aydınlaşdırmaq üçün klubla azarkeşlər arasında əlaqələndirici Elgün Cəfərliyə müraciət etdik: "Zirə sakinləri və fanklubumuz daim kluba dəstəyini nümayiş etdirib. Fanatların komandamıza, baş məşqçimizə və futbolçulara güvəni sonsuzdu. "Zirə"nin yeni “futbol ili”ndə uğurlu çıxışı və 4 oyunda maksimum nəticə göstərməsi azarkeşlərin stadiona axınını daha da artırıb. Biz də çox istəyirik ki, bütün oyunlarda futbol məkanımızda anşlaq olsun. Səmimi deyim ki, komandanın yeni mövsümə uğurlu start verərək qələbələr sıralayacağını gözləyirdik. İnşallah, 5-ci turda - "Qəbələ" ilə səfər oyununda və başqa matçlarda da uğurlarımızın davamını gözləyirik".