"Zirə" yetərincə yaxşı komandadı. Amma biz də bura yaxşı nəticə qazanmaq üçün gəlmişdik. "Kəpəz" bacardığı qədər oynadı, döyüşdü. Hazırda komandamızda sponsor probleminin olması özünü göstərir. Bir azarkeş kimi şəxsi fikirimi deyim ki, kluba yeni oyunçular lazımdı. Ən əsas yarımmüdafiənin mərkəzinə və hücuma yeni oyunçu gəlməlidi. Komandanın, demək olar, ehtiyat qüvvəsi yoxdu. Buna rəğmən, inanırıq ki, yeni transferlər olacaq və komandamız uğurlu çıxışla bizi sevindirəcək. Qarşıda "qərb derbisi” gəlir. Doğma meydanda "Turan Tovuz"u qəbul edəcəyik. Həmin oyunda tribunalarda yerimizi alıb "Kəpəz"i qələbəyə səsləyəcəyik. Çox gərgin matç olacaq, ən azı məğlub olmayacağıq".