"Kəpəz" 18 il idi ilk turda qələbə qazanmırdı"
"Kəpəz" son turda səfərdə "Qarabağ"dan bir xal qoparmaqla mövsümdə 2-ci dəfə sensasiyaya imza atdı. Gəncəlilər yeni “futbol ili”ndə "Neftçi" və "Qarabağ" kimi nəhənglərdən 4 xal alıb.
"Xəmsə" fanklubunun rəhbəri Müşfiq Məmmədov "Football-plus.az"a nəticələrlə bağlı danışdı:
"Bizim kimi aşağı büdcəli komanda üçün qazanılan hər xal qızıla bərabərdi, xüsusən də "Qarabağ" kimi güclü komanda ilə oyunda. Bundan əvvəl də ən yüksək büdcəli klublarımızdan olan "Neftçi"ni məğlub etmişdik. Haşiyə çıxıb onu da deyim ki, "Kəpəz" 18 il idi ilk turda qələbə qazanmırdı".
Fanat "köhlən atlar"a qol vuran gənc Cavad Kərimov haqda da söz açdı:
"Cavad haqda hələ ötən ildən yüksək fikirdəyəm, heyif ki, ötən mövsüm elə də çox oyun şansı qazana bilmədi. İnanmaq istəyirəm ki, eyni tempdə davam edib, gənc gəncəlilər üçün nümunə olmaqla ölkə futbolunda parlayacaq. Futbolçumuzun uğurunun davamının gəlməsini arzulayırıq".
ABDULLA İSMAYILOĞLU
Digər xəbərlər
