Azərbaycan Basketbol Liqasında 15-ci turdan təxirə salınan oyun keçirilib.

Fevralın 14-də "Sərhədçi" İdman Mərkəzində "Gəncə" "Olimpik"lə qarşılaşıb. Görüş qərb təmsilçisinin 89:76 hesablı qələbəsiylə tamamlanıb. Ən məhsuldar basketbolçular gəncəlilərdən Amil Həmzəyev (21 xal, 12 ribaund), şəkililərdən Larri Robinson (22 xal, 8 ribaund) olub.

Dünən isə 18-ci tura start verilib. Lider NTD gözlənilmədən "AAAF Xırdalan"a 77:95 hesabıyla yenilib. Məğlubların heyətində Londel Kinq (23 xal, 19 ribaund), qaliblərdə isə Deymon Makdouel (34 xal, 5 ribaund) özünü ən yaxşı tərəfdən göstərib. Fevralın 18-də "Sabah" - "Gəncə", "Neftçi İK" - "Olimpik", 18-da "Zirvə" - "Sərhədçi" oyunları ilə tura yekun vurulacaq

Xal durumu: NTD – 31, Sərhədçi, Sabah, AAAF Xırdalan – 29, Gəncə - 26, Nefçi İK – 23, Olimpik – 19, Zirvə - 18.