Ötən həftə Çempionlar Liqasında keçirilməli olan, lakin rəqib azarkeşlərin qarşıdurmasına görə təxirə salınan AEK – “Dinamo” (Zaqreb) matçı ilə bağlı araşdırma davam edir.

"Football-plus.az" xəbər verir ki, insident üzrə müvafiq şəxslərə qarşı ittiham irəli sürülüb.

Xatırladaq ki, Yunanıstanın paytaxtı Afinadakı qarşıdurmalar nəticəsində bir nəfər ölüb, 8 nəfər yaralanıb və 105 azarkeş saxlanılıb. 29 yaşlı yerli fanat Mixalis Katsuris bıçaq yarası alaraq həlak olub. Saxlanılan və cinayət etdikləri şübhə doğuran şəxslər azarkeşin ölümündə iştirakını inkar edirlər. Yerli prokurorluq 4-ü ağır olmaqla cinayət əməlində iştirak kimi 11 cinayət üzrə ittiham irəli sürüb.