Barselona məhkəməsinin dünyanın ən titullu futbolçusunun zaminə buraxılmadan həbs olunmasına qərar verməsindən sonra ortaya əsaslı dəlil çıxıb. Daniel Alveşin əməlində cinayət tərkibi aşkar edilib.

Xatırladaq ki, məhkəmə braziliyalını 23 yaşlı qıza qarşı zorakılıq hərəkətlərində təqsirli bilərək onu müvəqqəti həbs cəzasına məhkum edib. İspaniya qanunlarına görə, günahı sübuta yetirilərsə, ona 4 ildən 12 ilə qədər həbs cəzası verilə bilər. Hazırkı vəziyyət heç də Alveşin xeyrinə deyil. Yerli “El Periodico” nəşrinin məlumatına görə, braziliyalı futbolçunun zorlamaya əl atdığını sübut edən fakt ortaya çıxıb. Ekspertiza nəticəsində Danielin cinayət törətdiyini göstərən dəlil tapılıb. Hadisənin baş verdiyi gecə klubunda zərərçəkənin iddiasını sübut edən barmaq izləri aşkarlanıb.

Yeri gəlmişkən, Alveş özünü müdafiə etmək üçün tanınmış vəkil Kristobal Martelli ilə əməkdaşlığa başlayıb. “Mundo Deportivo” qəzetinin məlumatına görə, Martell cinayət hüququ üzrə tanınmış ekspertdi. O, indiyədək məhkəmədə Lionel Messi, Neymar və Karles Puyol kimi ulduz futbolçuları uğurla müdafiə edib.