“Çelsi”nin 2023/24 mövsümü üçün yeni kapitanı müəyyənləşib.

"Football-plus.az" xəbər verir ki, İngiltərə klubunda bu statusu Ris Ceyms qazanıb. 23 yaşlı müdafiəçi yeni mövsümdə kapitanlıq sarğısını daşıyacaq. Ben Çiluell isə vitse-kapitan təyin edilib.

Qeyd edək ki, Ceyms “Çelsi”də 2019/20 mövsümündə İngiltərə Liqa Kubokunun “Qrimsbi” ilə matçında (7:1) debüt edib. O, bu komanda ilə bütün turnirlərdə 147 oyun keçirib, 11 qol vurub və 20 məhsuldar ötürmə verib.

Xatırladaq ki, ötən mövsüm “Çelsi”nin kapitanı bu yay “Atletiko”ya keçən Sesar Aspilikueta idi.