“Atletiko” heyətinə iki yeni futbolçu cəlb edib. Onlardan biri uzun müddətdən sonra İspaniyaya qayıdıb.


"Football-plus.az" xəbər verir ki, Madrid klubu “Selta”nın müdafiəçisi Xavi Qalanı transfer edib. 28 yaşlı futbolçu ilə 3 illik müqavilə imzalanıb. Qeyd edək ki, Qalan “Selta”da 2021-ci ildən oynayırdı. İspaniyalı oyunçu 2022/23 mövsümündə bütün turnirlərdə 40 oyuna çıxıb, 1 qol vurub və 4 məhsuldar ötürmə edib.

“Çelsi” ilə müqaviləsi qarşılıqlı razılıq əsasında qüvvədən salınan Sesar Aspilikuetanın yeni iş yeri də “Atletiko” olub. Təcrübəli futbolçu 13 ildən sonra yenidən vətəni İspaniyada çıxış edəcək. İnsayder Fabritsio Romano Aspilikuetanın madridlilərlə 2 illik müqaviləyə qol çəkdiyini xəbər verib.

Xatırladaq ki, 33 yaşlı Sesar 2010-cu ildə “Osasuna”nı tərk edəndən sonra iki il “Marsel”də, 11 il “Çelsi”də top qovub.