“Mən həmişə demişəm ki, Dünya kuboku kimi yarışlar ölkə şahmatının inkişafına heç bir təsir etmir. Bu,yalnız federasiyanın xeyrinə işləyən amildi. Rəhbərliyin bu addımı da yanlışdı. Dünya kuboku yüksək büdcəli turnir olduğu üçün bəzi ölkələr buna evsahibliyi etmək istəmir. Artıq paytaxtımız ikinci dəfə bu yarışı təşkil edir. Şahmatçılarımızın çıxışına gəlincə, onların mübarizəni erkən başa vurması bizi məyus etdi. Amma gənc şahmatçılarımızın çıxışı pis deyildi. Məğlub olduqları rəqiblər də güclü idi. Nəticə gözlədiyimiz şahmatçıların oyunu alınmadı. Düşünürəm ki,burda yaş məsələsi rol oynayır. 36-38 yaşındakı şahmatçılarımızı Dünya kubokunda gördük. Bütün idman növlərində yaşı çox olanların çıxışı əvvəlki kimi olmur. Hazırda mübarizəni davam etdirən Nicat Abasov çox yaxşı çıxış edir. Qızlarımızdan Ülviyyə Fətəliyeva tarix yazmağa çox yaxın idi. Qələbənin bir addımlığında çinli şahmatçıya məğlub oldu. Buna da oyunun gərginliyi və rəqibin dünya çempionu titulu səbəb oldu. Fikrimcə, başqa ab-hava olsaydı, Ülviyyə rəqibinə qalib gələcəkdi”.

“Düzdü, bu futbol və ya başqa idman növü deyil ki, evsahibliyi rol oynasın. Amma şahmatçılarımız da “doğma divarlar” arasında oynadıqları üçün məsuliyyət hiss edirlər. Düşünürəm ki, Dünya kuboku başqa ölkədə keçirilsəydi, nəticələrimiz yaxşı olardı”.