“Hazırda klubumuzun gündəmi başqa şeylərlə məşğuldu. Çox da polemika yaratmaq istəmədim. Ona görə də ayrılarkən heç bir açıqlama vermədim. Rəsmi şəkildə ayrılsam da, yarımçıq qalan işləri davam etdirirəm. Yəni klubdan birdəfəlik qopmamışam. Bu, tam mənim tərəfimdən olan bir ayrılıqdı. Amma “Beşiktaş”ın strategiyasına uyğun hərəkət etməkdə davam edəcəyik. İstefamın Şenol Günəşlə heç bir əlaqəsi yoxdu. Bu söz-söhbəti eşidərkən heyrətə gəldim. Ümumiyyətlə, klub olaraq ünisyyət qurmaqda bir qədər zəifik. Bunu etiraf etməliyik. Amma baş məşqçi ilə heç bir sıxıntım, münaqişəm olmadı. Zatən Günəş özü də mətbuat konfransında bunu dilə gətirdi. Mənim istefa qərarımı təəccüblə qarşıladı. Ayrılmağımı istəmirdi. Günəşin səmimiyyətinə inanırammı? Bilmirəm. Bu məsələ barədə düşünməmişəm. Hər halda, 9 aydı birlikdə işləyirik. Az qala hər gün 2-3 saatı birlikdə keçirirdik. Arada qeyri-səmimilik olsaydı, gec-tez özünü büruzə verərdi. İnsan kimi də maraqlı şəxsiyyətdi. Maraqlı söhbətləri, planları var. Əvəllər onu yaxından tanımırdım. Yəni mən tərəfdən ən kiçik belə problem olmadı. Valerien İsmaelin təyinatının uğursuz olduğunu düşünmürəm. Bu, mənim şəxsi fikrimdi. Həmin vaxt bir strategiya müəyyənləşdirmişdik və bu yolla da hərəkət etməyə qərar verdik. Düzdü, həmin yol bizi heç yerə aparıb çıxarmadı. Amma bu o demək deyil ki, bu layihə uğursuz oldu. Bəlkə də yanlış seçim etdik. Amma biz İsmaelə yeni fəlsəfənin təmsilçisi gözü ilə baxırdıq. Xüsusilə sosial şəbəkələrdə bu məsələ çox şişirdildi. Ümumiyyətlə, biz sosial şəbəkəni idarə etmək baxımından da geri qalırıq. Orda hər kəsin bir hədəfi var. Fanatlar artıq komandanı dəstəkləmək əvəzinə işi “bəziləri çıxıb getməlidi” məsələsinə çevirmişdi. Son aylarda başverənlərdən sonra istefa vermək qərarına gəldim. Mən uzun illərdi “Beşiktaş”lıyam. Son dönəmdə süni bir təşviş havası yaradıldı və bunun da başlıca günahkarı kimi mən göstərildim. Sanki biz oyunçu ala bilmirik... Amma heç kim soruşmadı ki, bəs son illərdə alınan oyunçular bu komandaya necə gəlmişdi? Transfer işinin 50 min parametri var. Səudiyyə Ərəbistanı üzündən bu yay şərtlər çox dəyişdi. Bizim maddi durumumuz rəqiblərimizdəki qədər yaxşı deyil. Biz gözümüzü yumub bir oyunçuya 8-10 milyon avro verə bilmirik. Digər tərəfdən bizim o qədər də çox transferə, heyəti yeniləməyə ehtiyacımız yox idi. Komandanın onurğa sütunu bəllidi. Büdcəmizə uyğun hərəkət etməyə çalışırdıq. Sonra Duşan Tadiç məsələsində bir andaca mən günahkar sayıldım. Sanki onun “Beşiktaş”a gəlməməsi mənim üzümdən baş verdi. Futbolsevərlər arasında belə fikir var ki, çox transfer edən komanda bir addım öndə olacaq. Ümumiyyətlə, yay transfer dönəmi sanki ayrıca bir turnirə çevrilib. Mən bunu “şou liqası” adlandırıram. Sanki hamı bir-biri ilə bəhsə girib. Fanatlar da bir-birinə acıq verir. Belə şeylər mənə qəribə gəlir. Çünki sonda onsuz da kimin güclü, kimin zəif olduğu meydanda bəlli olacaq. Məsələn, “Qalatasaray”ın transferlərinin nə üçün bizim camiənin üzərində təzyiq yaratdığını anlamıram”.