“Mən bizdə işləyən bütün məşqçilərə sona qədər dəstək olmağa çalışmışam. Abdulla Avcı da, Sərgən Yalçın da, hətta Öndər Karavəli də bura daxildi. İndiyə qədər bizdən ayrılan məşqçilərin heç birini mən göndərməmişəm. Hamısı öz istəyi ilə ayrılıb. Sərgən Yalçının böyük komanda təcrübəsi olmasa da, mən tərəddüd etmədən və çəkinmədən onu “Beşiktaş”ın başına gətirdim. İsmaeli gətirdiyim üçün isə peşman deyiləm. Çox çalışqan və komandaya can yandıran məşqçi idi. Amma ona qarşı səbirsizlik etdilər. Sosial şəbəkədə daim haqqında pis şeylər yazılması onu da həvəsdən saldı. Habuki gözəl layihələrimiz var idi. “Hatayspor”la matçdan sonra kluba zərər vurmaq istəmədiyini söylədi və qarşılıqlı şəkildə yollarımızı ayırdıq. Bizim hədəfimiz yenidən Çempionlar Liqasına qayıtmaq və o turniri qazanmaqdı. Şenol Günəşlə birlikdə bunu bacara biləcəyimizə inanıram. Günəşin bizdən tələb etdiyi 3-4 transfer var. Hazırda onların üzərində işləyirik. İdman direktorumuz Ceyhun Kazancının işindən çox məmnunam. Veqhorst kimi oyunçunu ölkəmizə gəlməyə razı salan bir adamdı. Bundan başqa, Gezzal, Rozye, Masuaku, Dele Alli, Jedson Fernandeşi də klubumuza gəlməyə o razı salıb. Onun Günəşlə heç bir problemi yoxdu. Hərənin öz işi var və ikisi də klubda mənə bağlı olaraq çalışırlar. Talişka haqda mətbuatda çox yazılsa da, onun qayıtmaq ehtimalı yoxdu. Bu transferin üzərində çalışmırıq. Abubakar dəftəri də birdəfəlik bağlanıb və açılacağını düşünmürəm. Batşuayinin “Fənərbaxça”da şansı gətirir. İşləri pis getmir. Kaş bizdə də şansı yanında olaydı. Bizdə olanda ancaq dirəkləri saymaqla məşğul idi! Limitlə bağlı mövqeyim bəllidi. Biz “9+2” təklif edəndə, razılaşmadılar. Sonra “8+3” etdilər və bu da bizə baha başa gəldi. Yerli oyunçuların qiyməti süni şəkildə artdı. İndi limiti ləğv etməyə və ya azaltmağa çalışsalar, buna ən birinci mən etiraz edəcəm. Qoy TFF yerlilər üçün ödədiyimiz pulu geri qaytarsın, sonra baxarıq”.