Canluka Skamakkanın “Vest Hem”dəki macərası yalnız bir mövsüm çəkib.

"Football-plus.az" xəbər verir ki, italiyalı futbolçu vətəninə qayıdıb. Onu “Atalanta” transfer edib. Berqamo klubu hücumçuya görə londonlulara 25 milyon avro ödəyib. İngiltərə klubu Canlukanı bir il əvvəl “Sassuolo”dan 36 miyon avroya almışdı.

24 yaşlı futbolçu “Vest Hem”də bütün turnirlərdə keçirdiyi 27 oyunda 8 qol vurub. Skamakkanın “Atalanta” ilə bağladığı müqavilənin müddəti 4 illiyə nəzərdə tutulub.