"Bu məsələ barədə baş məşqçimiz Qurban Qurbanov "Zirə" ilə oyundan sonra mətbuat konfransında danışıb. O, hər komandanın öz azarkeşinin olduğunu və bunun bir problem olmayacağını deyib. Bununla bağlı hansısa qurumla və rəqibimiz HİK-lə danışığımız olmayıb".

"Düzü, bu məsələ ilə bağlı hansısa müraciət etməmişik. Əlbəttə, oyunların eyni gündə olması azarkeşlərin maraqları baxımından yaxşı olmadı. Məsələn, elə azarkeşlər var ki, eyni gündə keçiriləcək oyunların hamısında iştirak etmək, komandalarımıza dəstək olmaq istəyirdi. Lakin matçların eyni gündə olması onların bu istəyinin qarşısını aldı. Bu məsələyə maraq baxımından yanaşanda, bizim azarkeş kütləsinin bir qədər fərqli olduğunu qeyd etməliyəm. Bizim oyunlara gələn əsas kütlə Masazır, Xırdalan və ətraf bölgələrdə yaşayan əhalidi. Oyunun keçiriləcəyi “Bank Respublika Arena” digər stadionlardan bir qədər uzaq məsafədədi. İnanırıq ki, azarkeşlər RFS ilə oyunda olduğu kimi, bu dəfə də komandamıza yaxından dəstək olacaqlar. Digər klublarımıza da avrokubok oyunlarında uğurlar arzulayırıq. Ümid edirik ki, hər bir təmsilçimiz uğurlu nəticə ilə azarkeşləri sevindirəcək".