“Rəqib komandalar buna razılaşmadılar”
Avrokuboklardakı təmsilçilərimizdən 3-ü mübarizəni davam etdirir.
“Football-plus.az” xəbər verir ki, “Qarabağ” Avropa Liqasının, “Sabah” və “Neftçi” Konfrans Liqasının 3-cü təsnifat mərhələsində çıxış edəcək. Lakin hər üç klubumuzun ilk qarşılaşması Bakıda keçiriləcək.
Məsələ ilə bağlı suallarımızı AFFA-nın mətbuat katibi Elnur Məmmədliyə ünvanladıq. Onun “football-plus.az”a açıqlaması belə oldu:
“Üç avrokubok oyununun eyni gündə Bakıda keçirilməməsi ilə bağlı UEFA-ya müraciət etmişdik. UEFA-dan bizə cavab verildi ki, qonaq komandalardan biri razılaşarsa, matçlardan biri avqustun 9-da keçirilə bilər. Lakin rəqib komandalar səfər proqramını öncədən tərtib etdiklərindən bununla razılaşmadılar. Nəticədə, UEFA yekun qərarı verdi ki, oyunlar bir gündə avqustun 10-da keçirilsin”.
İLKİN SULTANLI
Digər xəbərlər
