“Formula-1” üzrə dünya çempionatının iştirakçıları yay fasiləsinə çıxıb.

“Football-plus.az” xəbər verir ki, əhval-ruhiyyəsi yerində olan pilotlardan biri də Serxio Peresdi. “Red Bull”un meksikalı pilotu şəxsi hesabda yalnız komanda yoldaşı Maks Ferstappendən geri qalmaqla 2-ci yerdə qərarlaşıb.

- Serxio, 2-ci yer Mayamidəki yarışdan sonra ən yaxşı nəticənizdi. Sizi hər şeydən çox sevindirən nədi?
- Əvvəlki formama qayıtdığıma görə sevinirəm. Macarıstanda da fəxri kürsüyə qalxmışdım. Demək istəyirəm ki, sıx trafikdə mübarizə aparmırsızsa, növbəti yarışda yararlana biləcəyiniz daha faydalı təcrübə qazanırsız. Bir çox yarışda belə imkan yox idi, ancaq indi var.

- Startda aqressiv hərəkət edirdiz. Birinci dövrə, liderliyi necə ələ keçirməyiniz haqda danışın.
- Birinci dövrədə Şarl Lekleri qabaqlamağın özüm üçün çox vacib olduğunu anlayırdın. Mən yaxşı start götürdüm, ancaq o da. Şarlı 5-ci döngədə qabaqlamaq lazım idi ki, bu da alındı.

- Belə görünürdü ki, “Medium” təkərləri ilə müqayisədə “Soft” təkərlərində özünüzü daha yaxşı hiss edirsiz.
- Sözsüz. “Medium” təkərlərində sürmək asan deyildi, xüsusən də yağış altında. Həmin təkərlərdən baş çıxara bilmədik. İştirakçıların əksəri kimi biz də “Soft” təkərlərinə qayıtdıq.

- Növbəti həftədə üstünlüyünüzü möhkəmlətmək üçün yay fasiləsindən imtina etmək istərdizmi?
- Düşünmürəm ki, bu nəyisə dəyişər. Ancaq fasilə hər şeyi diqqətlə təhlil etmək, müəyyən nəticələr çıxarmaq imkanı yaradacaq. Biz isə mövsümün sonuna qədər bu impulsu saxlamaq üçün güc toplamalıyıq.

- Cümə günü – təsnifat mərhələsində siz finiş xəttini üçüncü keçərkən Kristian Horner rabitə əlaqəsinə girdi, təbrik etdi, siz isə belə cavab verdiz: “Daha mənlə danışacaqsızmı?” Bu dialoqun mənası nədi?
- Bu zarafatdı. O təsnifat mərhələsindən əvvəl mənə demişdi ki, “ilk “üçlüy”ə düşməsən, həftəsonuna qədər sənlə danışmayacam”. Beləcə danışmalı oldu.