Misli premyer-liqasında 2023/24 mövümünün I turunda keçiriləcək “Qarabağ” – “Zirə” oyununun biletləri bu gün satışa çıxarılacaq.

"Football-plus.az" xəbər verir ki, azarkeşlər saat 13.00-dan etibarən “iticket.az”dan biletləri əldə edə bilərlər.

Qiymətlər sektorlara uyğun olaraq dəyişir. Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir. Biletlər bu gün və sabah “iticket.az”da onlayn, həmçinin, oyun günü “Azersun Arena”nın kassasında satışda olacaq.

Qeyd edək ki, avqustun 5-də keçiriləcək “Qarabağ” – “Zirə” matçı saat 21.00-da start götürəcək.