Bu gün Konfrans Liqasının 2-ci təsnifat mərhələsinə yekun vurulacaq. Ölkəmizin üç təmsilçisi bu turnirdə qüvvəsini sınayıb. “Sabah” RFŞ-ni, “Neftçi” “Jelezniçar”ı qəbul edib. “Qəbələ” isə “Omoniya”nın qonağı olub.

"Football-plus.az" xəbər verir ki, “Bayquşlar”ın oyununu İTV, flaqmanın qarşılaşmasını “CBC Sport”, “qırmızı-qaralar”ın görüşünü isə “İdman TV” canlı yayınlayıb.

Konfrans Liqası
2-ci təsnifat mərhələsi, cavab oyunu
Sabah – RFŞ (Latviya) 2:1
Coy Lens Mikels, 77, Emmanuel Apeh, 90+5 - Yanus İkauniyeks, 67
"Sabah": 1. Yusif İmanov, 2. Amin Seydiyev, 3. Con İrasabal, 4. Elvin Camalov, 7. Boyan Letiç, 10. Aleksey İsayev, 12. Vinsent Till, 15. Kristian da Silva, 18. Davit Volkov, 20. Coy Lens Mikels, 44. Sofian Çakla
Ehtiyat oyunçular: 16. Rustam Samiqullin, 55. Nicat Mehbalıyev, 5. Rəhman Daşdəmirov, 6. Şakir Seyidov, 9. Anatoli Nuriyev, 17. Tellur Mütəllimov, 19. Emmanuel Apeh, 21. İldar Alekperov, 24. Maruan Hadudi, 27. Jarl Marqarita, 29. Ceyhun Nuriyev, 77. Namik Ələskərov
Baş məşqçi: Murad Musayev
RFŞ: 13 Yevgeni Neruqal, 3. Artur Zyuzin, 9. Yanus İkauniyeks, 10. Emerson, 11. Roberts Savaļniyeks. 19. Andrey İliç, 23. Herdi Prenqa, 25. Pyotr Mareş, 27. Adam Marxiyev, 43. Jiqa Lipuşçek, 52. Martsis Oş
Ehtiyat oyunçular: 1. Pavel Şteynbor, 16. Sergey Vilkovs, 2. Vladislav Sorokin, 7. İsmael Diomande, 8. Daniels Ontujans, 17. Sedrik Kuadio, 18. Dmitri Zelenkov, 22 Darko Lemayiç, 70. Draqolyub Saviç, 92. Vitali Yaqodinski, 99. Qleb Zaleyko
Baş məşqçi: Viktor Moroz
Hakimlər: FEDAYİ SAN, Yonas Erni, Yan Köbeli, Yohannes von Mandax (İsveçrə).
Hakim-inspektor: Ladislav Qadosi (Slovakiya).
UEFA nümayəndəsi: Corc Fantaros (Cənubi Kipr).
3 avqust. Bakı. “Bank Respublika Arena”. Saat 20.00.
İlk oyun – 2:0.

“Bayquşlar” ilk oyunda, demək olar ki, cütün taleyini həll edən nəticəyə nail oldu. Riqadakı qarşılaşmada Masazır təmsilçisi 2:0 hesablı qələbə qazandı. Bu görüşdə də favorit Azərbaycan klubudu. Nəzərə alaq ki, “Sabah” doğma meydanda ilk avrokubok oyununa çıxır. Murad Musayev bu tarixi gündə qələbə qazanmaq istəyəcək. Bilet satışından da hiss olunur ki, oyuna maraq yetərincə böyükdü. “Tələbələr”in azarkeşləri önündə rahat qələbə qazanacağını söyləyə bilərik. Heyətdə itkilərin olmaması bakılıların qələbəsinə inamı daha da artırır.

Neftçi – Jelezniçar (Bosniya və Hersoqovina) 2:0
Kenni Sayef, 20, Eddi İsrafilov, 68
“Neftçi” (Azərbaycan): 1. İvan Brkiç, 4. Mark Tamaş, 44. Yuri Matias, 7. Azər Əliyev, 26. Ömər Buludov, 14. Eddi İsrafilov, 23. Ataa Caber, 8. Emin Mahmudov (k), 5. Kenni Sayef, 10. Filip Ozobiç, 11. Kilan Lebon
Ehtiyat oyunçular: 30. Aqil Məmmədov, 93. Rza Cəfərov, 3. Höccət Haqverdi, 17. Rəhman Hacıyev, 19. Azər Salahlı, 21. İsmayıl Zülfüqarlı, 27. Fərid Yusifli, 37. Elton Əlibəyli, 77. Yeqor Boqomolski, 99. Ervin Koffi
Baş məşqçi: Adrian Mutu
“Jelezniçar” (Bosniya və Herseqovina): 13. Vedad Muftiç, 5. Aleksandar Kosoriç (k), 6. Edin Kokaliç, 23. İrfan Yaşareviç, 24. Marin Qaliç, 44. Edin Rustemoviç, 18. Edin Biber, 77. Haris Ovçina, 8. Nedim Mekiç, 7. Süleyman Krpiç, 9. Cenan Haraçiç
Ehtiyat oyunçular: 1. Aydin Mulaliç, 3. Amar Musiç, 11. Hamza Qasal, 17. Andriya Drlio, 21. Nikola Turancanin, 23. Omar Beka, 26. Yosep Amoa, 30. Drazen Dubaçkiç
Baş məşqçi: Nermin Başiç
Hakimlər: BALAŞ BERKE, Balaş Buzaş, Balaş Sert, Benke Çonko (hamısı Macarıstan).
Hakim-inspektor: Marian Ruzbarski (Slovakiya).
UEFA nümayəndəsi: Knut Byörn Nordheym (Norveç).
3 avqust. Bakı. 8-ci km stadionu. Saat 21.00.
İlk oyun – 2:2.
Bosniya və Hersoqovinadakı qarşılaşmada yaşananları hamı gördü. “Neftçi” son dəqiqədə vurduğu qolla heç-heçəni təmin etdi. Həmin görüşdə hakim ədalətsizliyi də var idi. Lakin Bakıda keçiriləcək oyun taleyüklüdü. Adrian Mutunun rəhbərlik etdiyi “Neftçi” bu qarşılaşmada mütləq qələbə qazanmalıdı. İstənilən hesablı qələbə “ağ-qaralar”ı 3-cü mərhələyə yüksəldəcək. Flaqmanın heyətində hansısa itki yoxdu. Ervin Koffinin də zədəsi o qədər ciddi deyil. Maş məşqçi şans verəcəyi təqdirdə müdafiəçi “Jelezniçar”la oyunda meydana çıxa bilər.

Omoniya (Cənubi Kipr) – Qəbələ 4:1
Roman Bezus, 6, 30 (p.), Adam Lanq, 38, Villi Semedo, 59 - Ahmed Ayzaya, 56
Hakimlər: ADAM LADEBÖK, Markus Lundqren Klitte, Daniel Yanq, Yoakim Östlinq (hamısı İsveç).
Hakim-inspketor: Vladimir Petrov (Ukrayna)
UEFA nümayəndəsi: Mörton İsterhezi (Macarıstan).
3 avqust. Nikosiya. GPS stadionu. Saat 21.00.
İlk oyun – 3:2.

Vəziyyəti qənaətbəxş olmayan yeganə klubumuz “Qəbələ”di. Elmar Baxşıyev Qəbələdəki görüşü rəqibə hədiyyə etdi. Cənubi kiprlilər 3 standart vəziyyətdən 3 qol vurdu. İlk qarşılaşmada “qırmızı-qaralar” daha yaxşı hücumlar təşkil edirdi. İndi “radarlar” səfərdə bu fərqi aradan qaldırmağa çalışacaq. Elmar Baxşıyevin komandasının işi çətin olacaq. Lakin mütəxəssis bir çox hallarda bizi təəccübləndirməyi bacarıb. Ümid edək ki, bu görüşdə də gülən tərəf Azərbaycan klubu olacaq. “Qəbələ”nin heyətində də zədəlilərin yoxluğu xeyrimizə olan məqamdı. Hər halda, bu gün “qırmızı-qaralar”ı olduqca çətin və gərgin 90, bəlkə də 120 dəqiqə gözləyir.