Amerikalı boksçu Terens Krouford 12 raundluq döyüşdə həmvətəni Errol Spensi məğlub edib.

"Football-plus.az" xəbər verir ki, ABŞ-ın Las-Veqas şəhərində keçirilən qarşıdurma 9-cu raundda nokautla başa çatıb. 35 yaşlı Krouford 66,68 kq çəki dərəcəsində mütləq dünya çempionu olub. O, Ümumdünya Boks Təşkilatının (WBO) titulunu qoruyub və əvvəllər Spensə məxsus olan Ümumdünya Boks Şurası (WBC), Beynəlxalq Boks Federasiyası (IBF) və Ümumdünya Boks Assosiasiyasının (WBA) titullarını alıb. Krouford 2018-ci ildən WBO kəmərinin sahibidi və onu 7-ci dəfə qoruyub.

Krouford peşəkar karyerasında 40-cı qələbəni (31-i nokautla) qazanıb. O, heç vaxt uduzmayıb. 33 yaşlı Spens üçün məğlubiyyət 28 qələbəlik (22 nokautla) karyerasında ilk olub. O, 2017-ci ildən IBF, 2019-cu ildən WBC, 2022-ci ildən isə WBA kəmərlərinin sahibi idi.

Hazırda peşəkar boksda yalnız dörd nəfər mütləq dünya çempionudu. Krouforddan başqa, bunlar Devin Heyni (ABŞ, 61,23 kq-a qədər), Cermell Çarlo (ABŞ, 69,9 kq-a qədər) və Saul Alvaresdi (Meksika, 76,2 kq-a qədər).