“Bizi ağır oyun gözlədiyini bilirdik. “Omoniya” heyətində yaxşı fərdi keyfiyyətlərə sahib futbolçular olan təcrübəli komandadı. Heyətimiz yenidi. Komanda meydanda istəkli idi. Oyunçular meydanda görmək istədiklərimi verməyə çalışırdılar. Heyətimiz çox geniş deyil. Sifariş vərəqində akademiyanın gənc futbolçuları da yer alıb. Matç göstərdi ki, bu rəqiblə oynamaq olar. Ruhdan düşmürük. Cavab qarşılaşmasına hazırlaşıb daha yaxşısını etməyə çalışacağıq. Azarkeşlərin çoxluğu sevindiricidi. Çempionat qarşılaşmalarında da bu qədər seyrçimizin olmasını istəyirik. Oyun keyfiyyəti xoşuma gəldi. Hesab 1:0 olandan sonra bir neçə epizod yaratdıq. Onları dəyərləndirsəydik, nəticə fərqli olacaqdı. Matçı düzgün analiz edib cavab görüşünə hazırlaşmalıyıq. Qapıçını dəyişmək fikrində deyilik. İnandığımız qolkiperdi. Standart vəziyyətlərin üzərində də işləmiş, Roman Bezusun fərdi keyfiyyətlərini oyunçuların diqqətinə çatdırmışdıq. Amma onun ustalığını da nəzərə almaq lazımdı. Penalti epizoduna sonradan baxmamışıq. Amma biz gördüyümüz qədər ölkə çempionatda elə vəziyyətlərdə penalti vermirlər. Həmin epizodun üzərində dayanmaq istəmirəm. Onların qapısında eyni vəziyyətdə hakim penalti vermədi. Bu heyətlə davam edəcəyik. Futbolçularıma inanıram ki, Kiprdə layiqli mübarizə aparacaqlar. Doqquz futbolçu bizi tərk edib. Əlbəttə ki, vaxta ehtiyac var. Komanda gündən-günə daha artığını etməyə çalışır. Çempionatda da öz iddiamızdan əl çəkməyəcəyik”.