Cüzeppe Rossi vacib qərar verib.

"Football-plus.az" xəbər verir ki, İtaliya yığmasının sabiq hücumçusu karyerasını başa vurub.

O, bu haqda sosial şəbəkə hesabında paylaşım edib. Rossi 36 yaşında futbolla vidalaşdığını açıqlayıb. Hücumçu klub səviyyəsində “Mançester Yunayted”, “Parma”, “Vilyarreal”, “Nyukasl”, “Fiorentina”, “Selta”, “Levante”, “Cenoa” və “Real Solt Leyk”də çıxış edib. Sonuncu klubu olan SPAL-dan bu il ayrılıb. Cüzeppe 2006-cı ildə MY ilə İngiltərə Liqa kubokunu qazanıb.

İtaliya millisinin heyətində 30 oyuna çıxıb və 7 qol vurub. O, 2008-ci ildə Pekində keçirilən Yay Olimpiya Oyunlarında 4 qolun müəllifi olmaqla futbol turnirinin ən yaxşı bombardiri üçün mükafata layiq görülüb.