"Bu, yarışı təşkil edən qurumun qərarıdı. Çox güman, belə uyğun görülüb. Medalın verilib-verilməməsinin klubumuzun hədəflərinə heç bir təsiri ola bilməz".

"Qərar PFL tərəfindən verilib. Buna da hörmətlə yanaşırıq. Medal rəmzidi, əsas məqsəd ilk “üçlük”də yer almaq və ya avrokuboklara vəsiqə verən yerlərdən birini tutmaqdı".

"Fikrimcə, 2-ci və 3-cü yerlər uğrunda mübarizə aparan komandalara medallar təqdim olunmalıdı. Çünki futbolçuların motivasiyası üçün zəruri idi. Məsələn, ötən mövsümə baxaq. "Araz-Naxçıvan" ən yaxın izləyicicilərindən 10-15 xal öndə idi. Amma qalan komandalar ən azı gümüş və bürünc medallar üçün döyüşürdü. Bu üzdən 2-3-cü yerlərin sahiblərinin mükafatlandırılması daha yaxşı olardı. Bu qərara görə 1-ci liqada intriqanın öləcəyini düşünürəm".

"Hər halda, mükafatlandırma baş tutanda futbolçulara daha xoş olur. Tarixə həkk olunması baxımından da vacibdi. Biz mükafatlandırmaya öyrəşmişdik. Amma ümumilikdə ən şirin və vacibi 1-ci olmaqdı. Yəni 2-3-cü yerlərə görə medalların verilib-verilməməsi bizə o qədər də təsir etməyəcək. PFL-in qərarına da hörmətlə yanaşırıq".

"2-3-cü yerləri tutan komandaların medallarla təltif olunması nüfuz məsələsi idi. Ən azı gənc oyunçuların həvəsləndirilməsi baxımından yaxşı idi. Amma qərar verilibsə, edəcək nəsə yoxdu. Bizə də bununla barışmaq qalır".

"PFL-in təşkilatçılığı ilə keçirilən turnirlərin iştirakçısı kimi qərarların müzakirəsindən daha çox icrasına vaxt ayırmağı məqbul sayırıq. Konkret qeyd etdiyiniz məsələyə gəlincə, burda hansısa qeyri-adi yenilik yoxdu. Beynəlxalq təcrübəyə əsaslanan qərardı. Aparıcı futbol ölkələrinin əksəriyyətində yalnız çempion komandalar mükafatlandırılır".

"PFL-in verdiyi qərara hörmətlə yanaşırıq. Dünyanın əksər futbol çempionatlarında da bu ənənə var".

"PFL-in yeni qərarıyla tanışıq. Görünür, qurumun maliyyə sıxıntısı var. Qərara hörmət edirik. Ümumiyyətlə, PFL-in qərarlarını təqdirəlayiq sayırıq. İdman prinsiblərini qorudular, yeni liqalar yaratdılar. Düşünürəm ki, bunların bəhrəsini qısa zamanda görəcəyik".

"Qərarı PFL veribsə, hamımız hörmətlə yanaşmalıyıq. Dərindən götürsək, 2-3-cü yerləri tutan komandalara medalların verilib-verilməyəcəyinin ciddi fərqi yoxdu. Əsas olan qurumun ölkə və uşaq futboluna yetərincə dəstək verməsidi. Medal parçasından çox istedadlı uşaqları, yeniyetmələri üzə çıxarmaq lazımdı".

"Çoxları qeyd edir ki, bu praktika top-liqalarda da var. Biz də peşəkarlaşmaq üçün bu addımı atdıq. İngiltərə, Almaniya və başqa top-liqa ölkələrindən nümunə götürürüksə, öncəliklə onların infrastrukturları, stadionları, akademiyalarını və sair örnək götürməliyik. Son qərar elita təmsilçilərinə, demək olar, təsir etməyəcək. Amma əvəzedicilərin çempionatına təsiri olacaq. Çünki həmin liqada gənc futbolçular çoxluq təşkil edir və onları motivasiya etmək, inkişafına təkan vermək üçün gümüş və bütünc müdallarla təltif etmək vacib məsələlərdən idi. Yəni rəmzi olsa da, mükafatlandırma olmalıydı".

“PFL-in qərarına hörmətlə yanaşırıq. Püşkatmada əsaslandırdılar ki, digər ölkələrdə də bu təcrübədən istifadə olunur. Əsas odu ki, ikinci və üçüncü yerlər klubun tarixində qeyd olunacaq və Azərbaycan çempionatlarında hesablanacaq”.

"İstər yaxşı olsun, istərsə də pis, bu PFL-in qərarıdı. Biz də həmin qərara uyğunlaşmalıyıq".

"Bütün hallarda çempionatı təşkil edən PFL-di. Odu ki, qurum hansı qərarı qəbul edibsə, biz də hörmətlə yanaşırıq".