Bununla bağlı daha detallı bilgi almaq üçün "kimyaçılar"ın mətbuat katibi Rəşad Məmmədovla əlaqə saxladıq:
"2011/12 mövsümündən premyer-liqada çıxış edirik. Elə həmin ildən qızlardan ibarət komandamız da fəaliyyət göstərir. Həmişə də yüksək yerlər uğrunda mübarizə aparmışıq. Bir dəfə çempionatın qalibi, bir dəfə də üçüncü olmuşuq. Sadəcə, pandemiyanın pik vaxtında qızlardan ibarət komandamız fəaliyyətini dayandırdı. Təxminən 2 ildən sonra yenidən bərpa etdik və bu mövsüm çempion olmağı bacardıq. Onu da xüsusi qeyd edim ki, komandanın əsasını məhz Sumqayıtda yaşayan futbolçular təşkil edir. Rəhbərlik daim qadın futbolçularımıza qayğı göstərib, bundan sonra da bu ənənə davam etdiriləcək".
ABDULLA İSMAYILOĞLU
