"Oyun rahat keçdi. Yəni, "Qarabağ" rəqibi üstələyərək, demək olar, 90 dəqiqə təkqapı oynadı. Qarşılaşma qarşılıqlı hücumlar şəraitində keçmədiyindən, temp o qədər də yüksək deyildi. Belə oyunlarda isə hakimlərin işi rahat olur. Çünki meydanda ciddi mübarizə, qayda pozuntuları, gərginlik yox idi. Adətən belə oyunlarda hakimlyin keyfiyyətini dərindən qiymətləndirmək olmur. İlk hissədə 1, fasilədən sonra isə 2 dəfə qayda pozuntusu vardı, amma referi fitini çalmadı. Buna da haqq vermək olar. Çünki oyunun tempi zatən aşağı idi. Həmin epizodlarda da dayanma olsaydı, temp daha da düşəcəkdi. Bu, doğru qərar idi. Ümumilikdə hakim oyunun öhdəsindən gəldi. Ədalət təmsilçisi meydanda qaçdı, düzgün mövqe seçdi. Albaniyadan olan referi gəncdi, beynəlxalq səviyyəli oyunlar təcrübəsi çox deyil. Amma Eldorjan Hamitini yaxşı hakim sayıram. Dünənki oyunda göründü ki, daha böyük referi olmaq potensialı var. Matçın hakim-inspektoru olsaydım, hakimlər briqadasının işinə 8,4 verərdim".