"Dünəndən hazırlıq mərhələsinin 3-cü həftəsinə başladıq. Hər şey qaydasında gedir. 10 futbolçu komandadan gedib. Əvəzində 2 oyunçu cəlb etmişik. Onlardan biri son mövsümü "Araz-Naxçıvan"da keçirən Emil Bayramov, digəri isə Latviyada çıxış edən U-21 millimizin üzvü Nazim Həsənzadədi. Həmçinin akademiyamızın bir neçə yetirməsiylə də peşəkar müqavilə bağlayacağıq.

Onu xüsusi qeyd edim ki, əvəzedicilərdən 5 oyunçu əsas komanda ilə birgə Türkiyə toplanışında olacaq. Onlardan 3-ü akademiyamızın yetirmələridi. Söhbət İlqar Əhmədov, Vüsal Əliyev və Mahmud Ağayevdən gedir. Yeni mövsümdə əsas məqsəd gənc futbolçuların fiziki, taktiki keyfiyyətlərini artırmaq və potensiallarını maksimum ortaya qoymalarına kömək etməkdi".