Deklan Raysın “Arsenal”a keçidi rəsmiləşib.

"Football-plus.az" xəbər verir ki, “Vest Hem” ingiltərəli yarımmüdafiəçini rekord məbləğə Londonun digər klubuna satıb. Bu transferin dəqiq məbləği açıqlanmasa da, keçid məbləğinin bundan əvvəl qeydə alınan rekord satışdan çox olduğu məlumdu.

2021-ci ilin yayında Cek Qriliş “Aston Villa”dan “Mançester Siti”yə 117 milyon avroya keçib ki, bu da İngiltərədə rekord transfer sayılırdı. Yerli mənbələr “Arsenal”ın mümkün bonuslar da daxil olmaqla Rays üçün “Vest Hem”ə 120 milyon funt sterlinq ödəyəcəyini xəbər verib.

Qeyd edək ki, 2017-ci ildən “Vest Hem”in əsas komandasında oynayan Deklan son mövsümdə Konfrans Liqasının qalibi olub. İngiltərə millisinin üzvü turnirin ən yaxşı oyunçusu seçilib.