125-ci qələbə. “Qarabağ” srağagün klublarımızın avrokuboklardakı 125-ci qələbəsinin səbəbkarı oldu. Bunların 73-ü Avropa, 32-si Çempionlar, 11-i Konfrans Liqasının, 9-u isə artıq tarixə qovuşan Kuboklar Kubokunun payına düşür. İndiyə qədər keçirilən 415 oyunda daha 100 heç-heçəmiz və 190 məğlubiyyətimiz var. Top fərqi isə belədi: 413-605.

Çempionlar Liqasında 100-cü qol. Benzya Azərbaycan klublarının ÇL-dəki qol sayını 100-ə çatdırdı. Avropa Liqasının ardından daha bir turnirdə qol sayımız artıq üçrəqəmli hədd ilə ifadə olunur. Bu turnirdəki ilk qolumuzu 1998-ci il iyulun 22-də keçirilən LKS – “Kəpəz” oyununda (4:1) İmamyar Süleymanov vurub.

“Qarabağ”ın ÇL-də 60-cı qolu. “Qarabağ” avrokuboklarda ümumilikdə 176, konkret ÇL-də isə 60 qol vurub. Komandanın ÇL-dəki bombardirləri – Mahir Emreli ilə Vild-Donald Gerye hərəyə 5 qol vurub. Qalan qolların müəllifləri: Reynaldo, Ndlovu, Miçel, Vaci, Kadi – 4, Kintana, Ozobiç, Romero – 3, Çumbinyo, Dias, Almeyda, Ovusu – 2, Corc, Muarem, Əfran İsmayılov, Pedro Enrike, Delarj, Aylton, Geye, Matiç, Medina, Abbas Hüseynov, Zubir, Cica, Benzya – 1.

ÇL-də 20-ci qələbə. “Qarabağ” srağagün qitənin ən nüfuzlu klub turnirində 20-ci qələbəsini qazandı. Ağdamlıların ÇL-dəki bütün qələbələri:

15.07.2014. Vallettta (Malta) – Qarabağ 0:1
22.07.2014. Qarabağ – Valletta 4:0
30.07.2014. Qarabağ – Zaltsburq (Avstriya) 2:1
22.07.2015. Rudar (Monteneqro) – Qarabağ 0:1
12.07.2016. Qarabağ – F91 Düdelanj (Lüksemburq) 2:0
11.07.2017. Qarabağ – Samtredia (Gürcüstan) 5:0
18.07.2017. Samtredia – Qarabağ 0:1
01.08.2017. Şerif (Moldova) – Qarabağ 1:2
15.08.2017. Qarabağ – Kopenhagen (Danimarka) 1:0
11.07.2018. Olimpiya (Sloveniya) - Qarabağ 0:1
01.08.2018. Qarabağ – Kukesi (Albaniya) 3:0
17.07.2019. Qarabağ – Partizani (Albaniya) 2:0
31.07.2019. Qarabağ – Dandolk (İrlandiya) 3:0
06.08.2019. APOEL (C.Kipr) – Qarabağ 1:2
18.08.2020. Qarabağ – Sileks (Ş.Makedoniya) 4:0
26.08.2020. Qarabağ – Şerif 2:1
12.07.2022. Qarabağ – Lex (Polşa) 5:1
19.07.2022. Qarabağ – Sürix (İsveçrə) 3:2
09.08.2022. Ferentsvaroş (Macarıstan) – Qarabağ 1:3
11.07.2022. Linkoln Red İmps (Cəbəllütariq) – Qarabağ 1:2