"İlk oyunda şansları 50-nin 50-yə sayıram"
Bu gün "Qarabağ" ÇL-in yeni mövsümündə səfərdə ilk oyuna çıxır. Rəqib Cəbəllütariq çempionu "Linkoln"du. Görüş Bakı vaxtı ilə saat 19.30-da start götürəcək.
İlk dəfədi klublarımız avrokubokda “cırtdan” ölkənin təmsilçisiylə qarşılaşacaq. "Köhlən atlar"ın baş məşqçisi Qurban Qurbanov açıqlamasında rəqibi yetərincə təhlil edə bilmədiyini xüsusi vurğulayıb. Görəsən, "Linkoln" təmsilçimiz üçün problem yarada bilər? Yoxsa çempionumuz rahat qələbə qazanacaq?
"Football-plus.az" saytı olaraq bu sualları aydınlaşdırmaq üçün futbol agenti Ceyhun Sultanova müraciət etdik:
"Linkoln"un sürpriz rəqib olduğunu düşünürəm. Qurban müəllim rəqibi yetərincə təhlil edə bilməyibsə, “cırtdan”ın nəyə qadir olduğu haqda nəsə demək çətindi. Cəbəllütariq təmsilçisi ölkəsinin 20 qat çempionudu. İstənilən halda, rəqibə yuxarıdan aşağı baxmaq olmaz. Ümumilikdə təmsilçimiz kağız üzərində üstündü. Amma ilk oyunda şansları 50-nin 50-yə sayıram. Səfərdəki matçdan sonra həm rəqibin, həm də "Qarabağ"ın nəyə qadir, kimin mərhələni keçməyə yaxın olduğunu biləcəyik. Hələlik, sadəcə, diqqətlə təhlil etməliyik. "Qarabağ"a uğurlar arzulayıram".
ABDULLA İSMAYILOĞLU
Digər xəbərlər
