"Neftçi"ni rusiyalı çalışdıra bilər.

"Football-plus.az" xəbər verir ki, klub rəhbərliyi Rusiya "Krasnodar"ının sabiq məşqçisi Aleksandr Naqornının mümkün təyinatını nəzərdən keçirir.

Məlumatı "Legalbet.ru" saytı yayıb. İddiaya görə, "ağ-qaralar"ın siyahısında Adrian Mutu ilə yanaşı, 41 yaşlı mütəxəssisin də adı var. Onun namizədliyi Müşahidə Şurasının iclasında irəli sürülüb.

Qeyd edək ki, Aleksandr Naqornı karyerası ərzində heç vaxt baş məşqçi kimi fəaliyyət göstərməyib. O, "Krasnodar"la yanaşı, "Ufa" və "Rotor"da köməkçi məşqçi işləyib.